14:58 – İlham Əliyev “Bələdiyyələrin statusu haqqında” qanuna dəyişiklikləri təsdiqləyib
11:28 – Prezident Şirvan suvarma kanalının təməlini qoyub
13:25 – Yuxarı Qarabağ suvarma kanalının adı dəyişdirilərək yenidən qurulacaq
14:14 – İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

Gəncə doğrudan da son illərdə dinamik inkişaf yolundadır - ÖZƏL

18.12.2019, 09:12,
Gündəm / Cəmiyyət

Niderland Krallığının Azərbaycandakı səfiri Gəncədədir

Niyazi Bayramov Niderland krallığının Azərbaycandakı səfiri Onno Kervers və BMqT-nin Azərbaycandakı Nümayəndəliyinin rəhbəri Vladimir Gjorgiev ilə görüşüb.

Gəncə şəhər İcra Hakimiyyətinin başçısı Niyazi Bayramov qonaqları Azərbaycanın qədim mədəniyyət, sənaye və elm şəhəri olan Gəncədə görməkdən məmnun olduğunu bildirib. Səfirə Gəncənin tarixi, mədəniyyəti, sənaye potensialı haqqında ətraflı məlumat verən Niyazi Bayramov şəhərdə icra edilən abadlıq və quruculuq layihələri haqqında danışıb.

Onno Kervers qeyd edib ki, səfərin əsas məqsədi Niderland krallığının maliyyə dəstəyi ilə həyata keçirilən “Azərbaycanda İnsan Alveri Qurbanlarına birbaşa Yardım Göstərilməsi və Sığınacaq Yerlərində Yaşayış ŞəraitininYaxşılaşdırılması Vasitəsilə Onların Ehtiyyaclarının Həll Edilməsi” layihəsinin icrası ilə bağlıdır. Səfir bildirib ki, layihənin əsas məqsədi insan alveri qurbanlarının və insan alverinin potensial qurbanlarının təhlükəsiz və keyfiyyətli mühafizə imkanlarının artırılmasını təmin etməklə Azərbaycanda insan alveri qurbanlarının müdafiəsini yaxılaşdırmaqdır. Bununla bağlı paytaxtla yanaşı bölgələrdə də layihə çərçivəsində bir sıra tədbirlər keçirilir. Gəncədə fəaliyyət göstərən “Təmas” Regional İctimai Birliyi ilə birgə əməkdaşlıq etdiklərini bildirən səfir bu istiqamətdə aparılan işdə öz dəstəyini əsirgəmədiyi üçün Niyazi Bayramova təşəkkürünü bildirib.

Görüşdə həmçinin, Azərbaycanla Niderland Krallığı arasında sıx və səmərəli əməkdaşlıqdan söhbət açılıb. Hər iki ölkə arasında iqtisadi, siyasi, sosial və digər sahələrdə olan mövcud əlaqələr ətrafında müzakirələr aparılıb.

Sonda qarşılıqlı hədiyyələr təqdim olunub və xatirə şəkli çəkdirilib.

Vətəndaşları narahat edən məsələlər yerində araşdırılır

Gəncə şəhəri respublikamızın sürətlə inkişaf edən bölgələrindən biridir. Burada abadlıq–quruculuq işlərinin miqyası ildən–ilə genişlənir, əhalinin rahatlığına, rifah halının yaxşılaşmasına təminat yaradan iri layihələr həyata keçirilir.

Gəncəlilər görüşü zamanı Niyazi Bayramovun dediyi bu sözlər şəhər sakinlərində xoş ovqat yaratdı. Gəncə doğrudan da son illərdə dinamik inkişaf yolundadır. Şəhər sakinlərinin əldə etdiyi göstəricilər sürətli inkişafa ən yaxşı nümunədir.

Gəncə şəhər İcra Hakimiyyətinin başçısı Niyazi Bayramovun yüksək diqqət və qayğısı sayəsində Gəncə şəhəri son zamanlarda dinamik inkişaf yoluna çıxmış, şəhərdə əsaslı dəyişikliklər baş vermişdir. Dövlət Proqramının icrasından ötən müddət ərzində görülmüş işlərin təhlili və statistik məlumatlar onu göstərir ki, nəzərdə tutulan tədbirlərin yerinə yetirilməsi istiqamətində uğurlu nəticələr əldə olunmuşdur. Qazanılan uğurlar sabitliyin qorunmasına əsaslı zəmin yaratmışdır.

Azərbaycanın hər bir bölgəsi kimi, Gəncə şəhərinin də inkişafı üçün lazımi tapşırıq və tövsiyələrini verən, daima diqqət və qayğı göstərən cənab İlham Əliyev regionlara etdiyi səfərlər çərçivəsində dəfələrlə şəhərimizdə olmuş, görülən işlərlə maraqlanmış, əhali ilə görüşlər keçirərək qaldırılan hər bir məsələnin həlli ilə bağlı öz tapşırıqlarını verərək mühüm sosial məsələlərin icrası istiqamətində sərəncamlar imzalamışdır. Sevindirici haldır ki, ölkə başçısı şəhərə etdiyi bütün səfərlərdə yeni obyektlərin açılışlarında özü iştirak etmiş və görülən işlərdən razılığını bildirmişdir.

Bu gün şəhərdə görülən irihəcmli işlər hər kəsin diqqətini cəlb etməklə böyük razılıqla qarşılanır. Şəhərin və ətraf ərazinin abadlaşdırılması istiqamətində tədbirlər ardıcıllıqla davam etdirilir. Xüsusən də Gəncə şəhərinin mərkəzi hissəsi bizim hazırladığımız layihələr üzrə tamamilə yenidən qurulacaqdır.

Gəncəlilər Niyazi Bayramovun Gəncə şəhər İcra Hakimiyyətinin başçısı işlədiyi bu qısa müddətdə gördüyü belə böyük işlərdən çox razıdırlar. Hətta Gəncənin tanınmış ziyaliları, ağsaqqalları da bütün görülən bu uğurlu işlərə böyük nikbinliklə, fəxarətlə baxırlar.

Deməli, biz artıq qətiyyətlə deyə bilərik ki, Gəncə özünün ikinci intibahına başlayıb və adı yenidən dünyanın ən inkişaf etmiş rayonları siyahısına düşəcək. İnanırıq ki, o gün uzaqda deyil.