Lavrov Putinlə Zelenski arasında görüşün şərtlərini açıqlayıb

Rusiya və Ukrayna prezidentləri Vladimir Putin və Vladimir Zelenski arasında görüş imkanı yalnız Moskva və Kiyev arasında danışıqlar prosesi bərpa edildikdən sonra yaranacaq.

Bunu Rusiyanın xarici işlər naziri Sergey Lavrov Ankarada türkiyəli həmkarı Mövlud Çavuşoğlu ilə danışıqların yekunlarına dair mətbuat konfransında deyib.

“İlkin olaraq danışıqlar qruplarının işini bərpa etmək lazımdır”, - Lavrov deyib.

Lavrovun sözlərinə görə, Ukrayna lideri Rusiya ilə danışıqlara “qeyri-ciddi yanaşma” nümayiş etdirir. “Zelenski görüş xatirinə görüş istəyir, onun üçün həftədə yeddi cümə günü olur. O, bunu dəfələrlə bəyan edib ki, onlar danışıqları yalnız bizim öz kontingentimizi fevralın 24-dəki vəziyyətə uyğun xəttə çəksək, bərpa edəcəklər.” Bu, tamamilə qeyri-ciddi yanaşmadır. Üstəlik bu, Ukrayna nümayəndə heyətinin özünün martın 29-da burada, İstanbulda irəli sürdüyü təşəbbüslərlə tamamilə ziddiyyət təşkil edir” - Lavrov qeyd edib.

Nazir əlavə edib ki, Ukrayna aprelin ortalarından bəri Kiyevlə saziş layihələrinin Rusiya variantına cavab verməyib. “Top, demək olar ki, iki aydır ki, ukraynalıların tərəfindədir. O vaxtdan bəri heç bir rəy almamışıq”, - Lavrov deyb.