Korrupsiya qalmaqalı Zelenskinin istefasına səbəb ola bilər - KİV

Ukraynada korrupsiya qalmaqalı pik həddə çatıb və Prezident Volodimir Zelenskinin vəzifəsindən uzaqlaşdırıla bilər.

Bu barədə "The Wall Street Journal" (WSJ) qəzeti məlumat yayıb.

Məqalədə qeyd edilib ki, ukraynalılar Zelenskinin yaxın ətrafına qarşı irəli sürülən korrupsiya ittihamlarından qəzəbləniblər. WSJ hesab edir ki, bu ittihamlar prezidentin nüfuzuna Ukrayna Milli Antikorrupsiya Bürosunun (NABU) fəaliyyətə başladığı vaxtdan bəri apardığı digər araşdırmalardan daha böyük zərbə vurub.

Ukraynalılar şübhələnirlər ki, dronların və digər avadanlıqların alınması üçün bağışladıqları vəsait mənimsənilmiş bilər.

Ukraynadakı vəziyyətdən narazılıq təkcə ölkə daxilində deyil, həm də xaricdə artır. ABŞ rəsmiləri Kiyevin Vaşinqtondan aldığı vəsaitlərdən düzgün istifadəsini şübhə altına alırlar. ABŞ prezidenti Donald Trampın özü də daxil olmaqla, bəzi Amerika rəsmiləri Ukraynaya yardımın kəsilməsini açıq şəkildə müzakirə edirlər.