Pezeşkianın da göyərtəsində olduğu təyyarə Moskvada eniş edib - KİV

“ABŞ-nin İrana zərbə endirəcəyi ilə bağlı şayiələr fonunda Tehranın hökumət təyyarəsi Moskvanın Vnukovo Hava Limanına eniş edib”.

“Qafqazinfo” xəbər verir ki, bu barədə Rusiyanın “Mash” teleqram kanalı məlumat yayıb.

“Təyyarədə İran Prezidenti Məsud Pezeşkianın ola biləcəyi ehtimalı var”, - məlumatda deyilir.

Monitorinq məlumatlarına istinad edən kanal həmçinin Venesuela Prezidenti Nikolas Maduronun ələ keçirilməsi əməliyyatında iştirak etmiş təyyarələrin Yaxın Şərqə doğru hərəkət etdiyini iddia edib.

Xatırladaq ki, daha əvvəl mətbuatda ABŞ-nin İranda etirazçıların ölümünə görə məsuliyyət daşıdığını hesab etdiyi rəsmilərə və hərbi komandirlərə dəqiq zərbələr endirmək imkanını nəzərdən keçirdiyi barədə xəbərlər yayılmışdı. Məlumata görə, əsas məqsəd İranda əhalini etirazlara və dövlət binalarının ələ keçirilməsinə təhrik etməkdir.