10:26 – İlham Əliyev Xameneyiyə başsağlığı verdi
12:33 – Prezidentlərin iştirakı ilə açılış mərasimi keçirilir - FOTOLAR - YENİLƏNİB
14:05 – Lukaşenkodan Şuşada traktor hədiyyəsi - FOTOLAR
11:54 – Əliyev Lukaşenkonu Füzulidə qarşıladı - FOTOLAR

Aqil Nəzərli: Laçın Sən Azadsan!

01.12.2020, 15:57,
Gündəm / Cəmiyyət

Aqil Nəzərlinin laçınlılar arasında böyük nüfuz sahibi olduğu danılmaz faktlardandır. Vətən müharibəsində qələbəmizin təmin olunması Prezident, Müzəffər Ali Baş Komandan İlham Əliyevin komandanlığı ilə ordumuzun tam yenidən qurularaq dünya standartları səviyyəsinə çatdırılması, ölkəmizin ərazi bütövlüyü uğrunda dövlət başçısının qətiyyətli mövqeyi və xalqımızın sarsılmaz iradəsi nəticəsində mümkün oldu. Rəşadətli Azərbaycan Ordusunun uğurlu döyüş əməliyyatı nəticəsində illər idi ki, işğal altında qalan Füzuli, Cəbrayıl, Zəngilan, Qubadlı rayonları, Şuşa şəhəri, Hadrut qəsəbəsi və mühüm strateji əhəmiyyətli yüksəkliklər azad edildi. Təslim olan düşmən birgə Bəyanata uyğun olaraq noyabrın 20-də Ağdamı, noyabrın 25-də Kəlbəcəri boşaltmalı oldu. Laçın rayonu da azad edildikdən sonra Azərbaycan öz ərazi bütövlüyünü tam təmin etmiş oldu Azərbaycan Ordusunun bölmələri Laçın rayonuna daxil olub. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli bəyanata əsasən Azərbaycan Ordusunun bölmələri dekabrın 1-də Laçın rayonuna daxil olub.

Bu münasibət ilə cənab Laçın rayonu İcra Hakimiyyəti başçısı Aqil Nəzərlini və bütün laçınlıları təbrik edirik.

Laçın rayonu İcra Hakimiyyəti başçısı Aqil Nəzərli - Sosial şəbəkələrdə dünyanın istənilən qitəsindən Azərbaycan xalqının haqlı səsini eşidib, “Qarabağ Azərbaycandır” videoları çəkib, internetdə paylaşırlar. Azərbaycanlı olaraq bu videoları izləmək olduqca qürurverici və ən yüksək müsbət emosional fəxr etmə hissləri yaşayır insan!
Bu gün o gündür ki, hər bir Azərbaycanlı “Fəxr edirəm ki, Azərbaycanlıyam” deyir.
Azərbaycan xalqı pandemiya dövründə COVİD 19 infeksiyası ilə ön cəbhədə vuruşduğu an, məkrli düşmən öz hiyləsindən əl çəkmədi.
Düşmən ölkənin baş naziri utanmadan Qarabağa səfər edib, sərxoş vəziyyətdə rəqs edib, Qarabağ üçün planlar açıqladı. Səfil vəziyyətdə yaşayan öz ölkəsinin xalqının inkişafı üçün plan proqramların hazırlanması əvəzinə, öz fəaliyyəti dövründə Azərbaycan xalqını qıcıqlandırmağa çalışaraq, “Qarabağ Ermənistandır və nöqtə” deməklə, bütün dünyaya bəyan etmək istədi ki, BMT-nin qətnamələrini saymıram, və işğal etdiyim torpaqlardan çıxmıram.
Üzücü idi Azərbaycan xalqı üçün bütün bunları müşahidə etmək. Səbr kasası dolsa da, 30 il uzun müddət olsa da, Azərbaycan xalqı bir yumruq olaraq, Ali Baş Komandanın əmrini gözlədi.
30 il gözləntidən sonra 44 günlük ildırım sürətli müharibə nəticəsində Qələbə sevincini yaşadıq.
Biz qalib gəldik!

Cənab İlham Əliyev hər zaman xalqın yanında olan Prezidentdir. Bütün dövrlərdə və yaşanan hadisələrdə Ölkə başçımız, Prezidentimiz cənab İlham Əliyevin seçimi xalqın yanında olmaqdan ibarət olub. Bu dəfə də ölkə başçısı bütün təhlükələrə rəğmən Füzuli və Cəbrayıl, Ağdam rayonlarına səfər etdi və öz qələbə sevincini xalqla bölüşdü.
Prezident İlham Əliyevin “Biz birlikdə güclüyük” şüarı bu gün xalqın qalib ruhunun güzgüsüdür. Xalqın orduya inamı və dəstəyi, həmçinin ölkədə yaşanan milli və siyasi həmrəylik yaşadığımız qələbənin ideoloji əsasıdır. Birliyə dəvət edən Prezident xalqın dəmir yumruq kimi birləşməsinin əsas səbəbidir.
Xöşbəxtəm ki, Azərbaycanlıyam!