13:21 – Prezidentdən göstəriş: geniş islahat paketi hazırlanır
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı
12:25 – İlham Əliyev Şimali Makedoniya Prezidenti ilə görüşüb

Nərimanov rayonunda şəhid ailələri və qazilər daim diqqət mərkəzində saxlanılır

21.01.2021, 11:05,
Gündəm / Cəmiyyət

20 Yanvar faciəsinin 31-ci ildönümü ilə əlaqədar Nərimanov Rayon İcra Hakimiyyətinin başçısı Abdin Fərzəliyev və İH-nin rəhbər şəxsləri 20 yanvar şəhid ailələri ilə birgə Vətən Müharibəsi şəhidlərinin ailələrini ziyarət etmişlər

Görüşlərdə Azərbaycanın suverenliyi və ərazi bütövlüyü uğrunda canlarından keçən bütün şəhidlərin xatirəsi böyük ehtiramla yad edilmiş, 20 Yanvar şəhidlərinin qəhrəmanlığından söhbət edilmişdir. Həmçinin Müzəffər Ali Baş Komandan cənab İlham Əliyevin qətiyyətli rəhbərliyi altında Şanlı Ordumuz tərəfindən torpaqlarımızın düşmən tapdağından azad olunmasından və əsgərlərimizin qəhrəmanlıqlarından fəxrlə danışılmış, xalqımızın şəhidlərin qəhrəmanlığını heç zaman unutmadığını və unutmayacağını bildimişlər. İstər 20 yanvar, istər I Qarabağ Müharibəsi, istərsə də Vətən Müharibəsi şəhid ailələrinə hər zaman olan dövlət diqqəti və qayğısının olduğu xüsusilə vurğulanmış, onların yaşayış səviyyəsinin yaxşılaşdırılması və sosial problemlərinin dövlət tərəfindən hər zaman diqqət mərkəzində saxlanıldığını, onların həlli istiqamətində mühüm işlər görüldüyünü bildirmişlər. Şəhid ailəsi üzvləri bu diqqətə görə Azərbaycan Respublikasının Prezidenti cənab İlham Əliyevə öz minnətdarlıqlarını bildirmişlər. Azərbaycan Respublikasının Birinci vitse-prezidenti, Heydər Əliyev Fondunun Prezidenti Mehriban xanım Əliyevanın şəhid ailələrinə göstərdiyi qayğı və dəstək xüsusi vurğulanmış, şəhid ailələri bu qayğıya görə ona təşəkkür etmişlər.

Bütün şəhid ailələrinin və qazilərin hər birinin qayğıları həmişə olduğu kimi, bu gün də Nərimanov Rayon İcra Hakimiyyətinin nəzər və diqqətindədir. Azərbaycanınn suverenliyi uğrunda canlarını fəda etmiş qəhrəman şəhidlərin və Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi altında rəşadətli Azərbaycan Ordusunun qazandığı Zəfərdə misilsiz rolu olan şəhidlərin heç vaxt unudulmayacağını, dövlətin, xalqın və sakini olduqları rayon icra hakimiyyətinin hər bir əməkdaşının daim onların yanında olduğunu bildirmişlər.
Onu da qeyd edək ki, şəhid ailələrinə İcra Hakimiyyəti tərəfindən mütəmadi baş çəkilir, qayğıları öyrənilir, onların həlli üçün lazımi tədbirlər görülür. Bu ailələr bundan sonra da daim Nərimanov Rayon İcra Hakimiyyəti tərəfindən hərtərəfli diqqət və qayğı ilə əhatə olunacaq, görülən hər bir tədbir, atılan hər bir addım onların rifahının yaxşılaşmasına xidmət edəcək, onların hər bir məsələsi Rayon İcra Hakimiyyətinin iş fəaliyyətində əsas isiqamət olaraq qalacaqdır.

Nərimanov rayonunda Vətən Müharibəsinin iştirakçıları və qaziləri ilə görüş keçirilib

Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi altında rəşadətli Azərbaycan Ordusunun işğal altında olan torpaqlarımızı azad etmək məqsədilə sentyabrın 27-dən etibarən başladığı zəfər yürüşü qalibiyyətlə başa çatdı. 44 gün davam edən hərbi əməliyyatlar nəticəsində Azərbaycan Ordusu mənfur düşməni darmadağın edərək uzun illər işğal altında qalan torpaqlarımızı azad etdi, cənab Ali Baş Komandanın rəhbərliyi ilə Ordumuz bütün dünyaya öz qüdrətini, gücünü nümayiş etdirdi.

Şəhid ailələrinin, qazilərin və hərbi xidmətdən tərxis olunanların və onlara bərabər tutulan şəxslərin sosial məsələlərinin həlli daim diqqət mərkəzindədir. Dövlətimiz hər bir Azərbaycan vətəndaşının sosial məsələlərinin həllinə xüsusi diqqətlə yanaşır, bu baxımdan çox mühüm layihələr həyata keçirilir. Azərbaycan Resublikasının Prezidenti cənab İlham Əliyevin rəhbərliyi və Heydər Əliyev Fondunun dəstəyi ilə bu istiqamətdə icra olunan işlərin nəticəsini sosial cəhətdən xüsusi qayğıya ehtiyacı olanlar da öz həyatlarında hiss edirlər.

Şəhid ailələrinin, qazilərin və hərbi xidmətdən tərxis olunanların hər birinin qayğıları həmişə olduğu kimi, bu gün də Nərimanov Rayon İcra Hakimiyyətinin nəzər və diqqətindədir. Rayon İcra Hakimiyyətinin başçısı, müavinləri, Rayon Bələdiyyəsinin sədri, İcra Hakimiyyətinin əməkdaşları və gəncləri Dünya Azərbaycanlılarının Həmrəylik Günü ərəfəsində də bütün şəhid ailələrini ziyarət etmiş, qazanılmış Zəfərdə misilsiz rolu olan şəhidlərin heç vaxt unudulmayacağını, dövlətin, xalqın və sakini olduqları rayon icra hakimiyyətinin hər bir əməkdaşının daim onların yanında olduğunu bildirmişlər. Onu da qeyd edək ki, şəhid ailələrinə İcra Hakimiyyəti tərəfindən mütəmadi baş çəkilir, qayğıları öyrənilir, onların həlli üçün lazımi tədbirlər görülür.

O cümlədən qazilər, müharibədən tərxis olunanlar və hal-hazırda hərbi xidmətini davam etdirən hərbçilərin ailələri də diqqət mərkəzində saxlanılır, onların qayğıları ilə ciddi maraqlanır və həlli üçün səylərini əsirgəmirlər. Bu ailələr bundan sonra da daim Nərimanov Rayon İcra Hakimiyyəti tərəfindən hərtərəfli diqqət və qayğı ilə əhatə olunacaq, görülən hər bir tədbir, atılan hər bir addım onların rifahının yaxşılaşmasına xidmət edəcək, onların hər bir məsələsi Rayon İcra Hakimiyyətinin iş fəaliyyətində əsas isiqamət olaraq qalacaqdır.

Vətən Müharibəsinin iştirakçıları və qaziləri ilə növbəti görüş 8 yanvar 2021-ci il tarixdə Nərimanov rayonunda açıq havada karantin qaydalarına tam riayət edilməklə keçirilmişdir. Görüşün keçirilməsində məqsəd Nərimanov Rayon İcra Hakimiyyəti tərəfindən Vətən Müharibəsində iştirak edən qazi və ordudan təxris olunmuş gənclərimizlə mütəmadi keçirilən görüşləri davam etdirmək, qaziləri və Vətən Müharibəsi iştirakçılarını düşmən üzərində qazanılan tarixi qələbə münasibətilə təbrik edərək müzəffər Ordumuzun göstərdikləri şücaətlərin əsl qəhrəmanlıq olduğunu diqqətə çatdırmaq və onlara dövlət qayğısını göstərməkdən ibarət olmuşdur.

Görüşdə Nərimanov Rayon İcra Hakimiyyətinin, YAP Nərimanov Rayon Təşkilatının, rayon Gənclər və İdman İdarəsinin nümayəndələri, Vətən Müharibəsi Qəhrəmanı olan şəhid polkovnik Nudirəliyev Zaurun qızı Nudirəliyeva Pəri, Vətən Müharibəsinin şəhidi Əhmədağa İskəndərovun atası Novruz İskəndərov, Vətən Müharibəsində iştirak etmiş müharibə iştirakçıları və qazilər iştirak etmişlər.

Ali Baş Komandanın qətiyyətli rəhbərliyi ilə Şanlı Ordumuz tərəfindən torpaqlarımızın düşmən tapdağından azad olunmasından və əsgərlərimizin qəhrəmanlıqlarından fəxrlə söhbət açılmış, 30 illik işğala və həsrətə son qoyulduğu bildirilmişdir. Heydər Əliyev Fondunun Prezidenti Mehriban xanım Əliyevanın Vətən Müharibəsi iştirakçılarına və şəhid ailələrinə göstərdiyi qayğı və dəstək xüsusi vurğulanmış, şəhid ailələri və müharibə iştirakçıları bu diqqətə görə minnətdarlıqlarını bildirmişlər.

Hər zaman dövlətin onların yanında olduğunu bildirən natiqlər göstərdikləri şücatə görə hər bir qaziyə təşəkkür etmişdir. Bundan sonra da dövlətin qayğısını daim hiss edəcəkləri vurğulanmışdır.