Lənkəran Şəhər İcra hakimiyyətinin humanist təşəbbüsü bəyənilir- ÖZƏL

Lənkəran şəhərində, rayonun qəsəbə və kəndlərində koronavirus epidemiyasına qarşı mübarizə tədbirləri çərçivəsində zəruri profilaktik işlər ardıcıl olaraq davam etdirilir. Dezinfeksiya işləri ilə yanaşı əhali arasında təhlükəli infeksiyadan qorunmaqla bağlı təbliğat-izahat işləri aparılır, vətəndaşlara karantin qaydalarına riayət edilməsinin vacibliyi başa salınır. Karantin dövründə evdə qalan insanlara, xüsusilə 65 yaşdan yuxarı ahıl, kimsəsiz şəxslərə, imtiyazlı ailələrə diqqət artırılır. Bu günlərdə Şəhər İcra hakimiyyətinin təşəbbüsü ilə bu kateqoriyadan olan vətəndaşlara müxtəlif ərzaq yardımlarının verilməsi rayonunun idarə, müəssisə, təşkilat və iş adamları tərəfindən də dəstəklənir. Rayonda fəaliyyət göstərən iş adamı “Lənkəran Yol Tikinti” ASC tərəfindən İcra hakimiyyətinin bu təşəbbüsünə qoşularaq karantin qaydalarına riayət edib evdə qalan, maddi-məişət şəraitinin yaxşılaşmasına zəruri ehtiyacı olan 1000 ailəyə ərzaq yardımları paylanılıb. Yardımların paylanmasında könüllü gənclər yaxından iştirak ediblər.





İcra başçısı Lənkəranda karantin rejiminin tələblərinin icrası vəziyyəti ilə tanış olub



Koronavirusun (COVID-19) yayılmasının qarşısının alınması məqsədilə Nazirlər Kabineti yanında Operativ Qərargahın tələb və tövsiyələrinə uyğun olaraq Lənkəran şəhərində və bütövlükdə rayon ərazisində təxirəsalınmaz, qabaqlayıcı tədbirlər davam etdirilməkdədir.
Görülən işlərlə yerindəcə tanış olmaq məqsədilə Şəhər İcra Hakimiyyətinin başçısı Taleh Qaraşov şəhərin park və bağlarını gəzib, sakinlərə çağırış edərək onlara karantin rejiminin tələblərinə ciddi şəkildə əməl etməyi və ehtiyac olmadığı təqdirdə evdən çıxmamağı tövsiyə edib.
Əhalinin maarifləndirilməsi məqsədilə Şəhər İcra Hakimiyyəti aparatının, İnzibati Ərazi Dairələri nümayəndəliklərinin, bələdiyyələrin, polis orqanlarının və digər qrumların nümayəndələrindən ibarət yaradılmış 750 nəfərlik mobil qrupun bir qrup üzvu ilə görüşən İcra başçısı onlara bir daha əhali arasında fərdi qaydada izahetmə işlərini gücləndirməsi ilə bağlı tövsiyə və tapşırıqlarını verib.
İcra başçısı həmçinin şəhər ərazisində çoxmənzilli yaşayış evlərində, binaların ümumi istifadə yerlərində, girişlərində, pilləkən və həyətlərində məişət tullantılarının atıldığı konteyner meydançalarında, küçə və prospektlərdə, parklarda, avtobus dayanacaqlarında həyata keçirilən dezinfeksiya tədbirləri ilə də tanış olub, müvafiq qurumların rəhbərlərinə tapşırıqlarını verib.



Taleh Qaraşovun Lənkəran Şəhər İcra Hakimiyyətinin başçısı vəzifəsinə təyin olunduğundan sonra keçən müddət ərzində bu materiallarda Lənkəran şəhərinin özündə, ətraf kənd və qəsəbələrdə, eləcə də eyni səlahiyyət dairəsinə aid olan bütün ərazi vahidlərində müşahidə olunan iqtisadi inkişaf, rifah yüksəlişi əhatəli şəkildə əks olunub. Davamlı olaraq Lənkəranın sosial-iqtisadi inkişafı üçün görülməsi vacib olan işlərin tam sürətlə və uğurla icra olunduğu barədə təfsilatlar da təqdim olunub. Lənkərandan aldığımız yeni məlumatlarda da bölgədə ictimai həyatın dinamik məcrada, quruculuq fəaliyyətinin müşayiəti ilə davam etdiyi vurğulanır. Bu gün Lənkəranda yenə də əksər sahələrin fəaliyyətində böyük canlanma müşahidə olunmaqdadır.