Rəşad Cəbrayılov: Ulu Öndərin mətbuata dövlət qayğısı istiqamətində həyata keçirdiyi siyasəti bugün onun layiqli davamçısı Prezident İlham Əliyev uğurla davam etdirir

• 15.12.2021, 10:15,
• Gündəm / Cəmiyyət
Baxılıb: 109

Torpaqlarımızın işğaldan azad edilməsi uğrunda gedən Vətən müharibəsində qəhrəmancasına döyüşərək şəhidlik zirvəsinə ucalmış Abbasov Əvəz Mais oğlunun bu gün il mərasimi keçirilmişdir

Salyan rayon başçının müavini – İctimai-siyasi və humanitar məsələlər şöbəsinin müdiri Rəşad Cəbrayılov - Müstəqil və demokratik inkişaf yolunda irəliləyən Azərbaycan Respublikasının Konstitusiyasında vətəndaşların əsas hüquq və azadlıqları, o cümlədən söz azadlığı öz əksini tapmışdır. Əsas qanunun 47-ci maddəsində fikir və söz azadlığı bu şəkildə öz əksini tapmışdır.

Fikir və söz azadlığının əsas göstəricisi və carçısı azad mediadır. Kütləvi informasiya vasitələri bu işdə əvəzsiz rol oynayır. Ölkəmizdə Sovet dövründən fərqli bir humanist mühit mövcuddur və söz azadlığına qoyulan bütün məhdudiyyətlər aradan qaldırılmışdır. 1998-ci ildə ümummilli lider Heydər Əliyevin təşəbbüsü ilə azad media, qəzet və jurnallara tətbiq olunan senzuranın ləğv edilməsi ilə bağlı qanun layihəsi hazırlandı və qəbul olundu. Bu hadisə jurnalistikanın inkişafının yeni mərhələsinin başlanğıcını qoydu. Sovetlər dönəmində senzura bir növ dövlət sirrinin yayılmasının qarşısını almağa yönəldilmiş bir tədbir kimi nəzərdə tutulsa da, əslində azad medianı bir çərçivədə saxlamağa xidmət edirdi, media Sovet ideologiyasının birbaşa təsirində idi. Daim axtarışda olan, yazıb-yaratmağa meyilli azad jurnalistlər üçün senzura bir buxov idi. Keçmiş Sovet ölkələri arasında ilk dəfə Azərbayacan Respublikasında Heydər Əliyevin təşəbbüsü ilə 1998-ci il 6 avqust tarixli «Azərbaycan Respublikasında söz, fikir və mətbuat azadlığının təmin edilməsi sahəsində əlavə tədbirlər haqqında» fərmanı ilə senzura ləğv edildi və medianın inkişafında innovativ bir mərhələ başladı. 1999-cu ildə «Kütləvi informasiya vasitələri haqqında» Azərbaycan Respublikası Qanununa əlavə və dəyişikliklər edilməsi qəzet, jurnal təsis etmək işini xeyli asanlaşdırdı. 2001-ci ildə ölkədə kütləvi informasiya vasitələrinə dövlət qayğısının yüksəldilməsi haqqında verilən fərman və sərəncamlar mətbuata göstərilən qayğının həcmini daha da artırmışdır.Təsadüfi deyil ki, ölkədə jurnalistlərə, mediaya göstərdiyi qayğı və diqqətə görə Heydər Əliyev 2002-ci ildə “Jurnalistin dostu” elan edilmişdi.

Ulu Öndərin mətbuata dövlət qayğısı istiqamətində həyata keçirdiyi siyasəti bugün onun layiqli davamçısı Prezident İlham Əliyev uğurla davam etdirir. Məhz cənab Prezidentin ölkəyə rəhbərlik etdiyi son 18 ildə mətbuatın 130, 135, 140 və 145 illlik yubileyləri yüksək səviyyədə keçirildi.

Ölkə başçısı cənab İlham Əliyevin 2021-ci ilin əvvəlində “Azərbaycan Respublikasında media sahəsində islahatların dərinləşdirilməsi haqqında” imzaladığı fərmanla Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun bazasında media sahəsində əsaslı inkişafa nail olunmasına dəstək olacaq, media subyektlərinin bütün sahələrini əhatə edəcək yeni qurum - Medianın İnkişafı Agentliyi yaradıldı (MEDİA).

Yaradılmış yeni qurum xüsusilə Azərbaycanda artıq uzun illərdir ki, fəaliyyət göstərən onlayn medianın hüquqi baxımdan tənzimlənməsi məsələsini gündəmdə saxlayır.