12:28 – İlham Əliyev İsrailin nəqliyyat və yol təhlükəsizliyi nazirini qəbul edib
12:46 – Prezident Millətlər Birliyi təşkilatının Baş katibi ilə görüşüb
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı

Azərbaycan İslam coğrafiyasında yüksək nüfuza malikdir

10.11.2022, 18:53,
Gündəm / Cəmiyyət

Azərbaycan müsəlman aləminin bir parçası kimi müsəlman ölkələri arasında əlaqələrin inkişafına böyük töhfələr verməkdədir. Həyata keçirilən düşünülmüş xarici siyasət kursu Azərbaycanın müsəlman ölkələri arasında - İslam aləmində nüfuzlu, mötəbər dövlət kimi tanınmasının əsas şərtidir. Azərbaycan müsəlman ölkələri ilə ikitərəfli və beynəlxalq səviyyəli təşkilatlar çərçivəsində hərtərəfli əlaqələrə malikdir və münasibətlərin inkişafı, bütövlükdə, İslam coğrafiyasında həmrəyliyin təmin olunmasına xidmət edir.
Azərbaycanla müsəlman ölkələri arasındakı əlaqələr daha da inkişaf etməkdədir. Məlum olduğu kimi, Azərbaycan müsəlman ölkələrinin təşkilatı olan İslam Əməkdaşlıq Təşkilatında təmsil olunur və ikitərəfli, eləcə də çoxtərəfli formatda mövcud olan qarşılıqlı faydalı əlaqələr davamlı olaraq daha da möhkəmləndirilir. Azərbaycanla müsəlman ölkələri daim beynəlxalq arenada qarşılıqlı surətdə bir-birlərinin mənafe və mövqelərini müdafiə edirlər. Azərbaycan-Ermənistan münaqişəsinə münasibətdə də bu ölkələrin hər biri respublikamızın beynəlxalq hüquq normalarına əsaslanan haqlı mövqeyini müdafiə etmişdir. Bu, zaman-zaman İƏT çərçivəsində qəbul edilən qərar və qətnamələrdə də birmənalı şəkildə öz əksini tapmışdır. Qəbul edilən yekun qətnamələrdə münaqişəsi ilə bağlı vəziyyət düzgün qiymətləndirilmiş və Azərbaycanın ərazi bütövlüyü dəstəklənmişdir.
Ölkə Prezidenti cənab İlham Əliyevin cari ilin 1 noyabr tarixində Əlcəzair Xalq Demokratik Respublikasının paytaxtı Əlcəzair şəhərində keçirilmiş Ərəb Dövlətləri Liqasının 31-ci Zirvə toplantısına dəvət alması da Azərbaycanın bu istiqamətdə fəaliyyətinə verilən yüksək dəyərin göstəricisidir.
Ərəb Dövlətləri Liqasının Zirvə toplantısında çıxış edən dövlətimizin başçısı mötəbər Sammitin yüksək tribunasından bütün bütün ölkələri əhatə edən qlobal məsələlərə obyektiv münasibət bildirdi. Prezident İlham Əliyev çıxışında müsəlman dövlətləri arasında əlaqənin qənaətbəxş səviyyədə olmaması, qərb ölkələrinin və beynəlxalq təşkilatların münaqişələrə ikili standartlardan yanaşması və resursları zəif olan ölkələrin çətinliklərini dünya ictimaiyyətinin diqqətinə çatdırdı. Bununla yanaşı Azərbaycanın həm təkbaşına dövlət səviyyəsində, həm də daxil olduğu beynəlxalq təşkilatlar səviyyəsində mövcud problemlərin həlli istiqamətindəki fəaliyyəti barədə ətraflı məlumat verdi.
Bu gün Azərbaycanla müsəlman ölkələri arasındakı münasibətlər bütün sahələrdə dinamik inkişaf tendensiyasına malikdir. Qarşılıqlı əlaqə və təmasların sıxlaşdığı bir dövrdə Azərbaycanla digər müsəlman ölkələri arasındakı münasibətlər, qarşılıqlı dəstək və işbirliyi meylləri daim inkişaf etdirilməkdədir. Ölkələr arasında ikitərəfli və çoxtərəfli formatda mövcud olan yüksək səviyyəli təmasların fonunda, eyni zamanda, siyasi, iqtisadi, mədəni, elmi, dini, humanitar və digər sahələrdə möhkəm həmrəyliyin formalaşdırılması yönündə mühüm addımlar atılmaqdadır.
Rövşən Əhmədov, YAP Ağcabədi rayon təşkilatının sədri.