12:28 – İlham Əliyev İsrailin nəqliyyat və yol təhlükəsizliyi nazirini qəbul edib
12:46 – Prezident Millətlər Birliyi təşkilatının Baş katibi ilə görüşüb
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı

Ədalət Babayev: 5 İyun- Su təsərrüfatı və meliorasiya işçiləri günü münasibətilə - Torpağa bağlı peşə sahibləri

04.06.2020, 11:19,
Gündəm / Cəmiyyət

Biləsuvar Rayon Suvarma Sistemləri İdarəsinin rəisi Ədalət Babayev - Azərbaycan ta qədimdən əkinçilik ölkəsidir. Tarixi mənbələr sübut edir ki, əjdadlarımız min illər bundan əvvəl də suvarma kanallarından istifadə etməklə əkinçiliklə məşğul olmuşlar. Zaman irəlilədikcə meliorasiya sahəsinin inişafında da inqilabi dəyişikliklər baş vermişdir. Azərbaycanda meliorasiya və irriqasiya sahəsinin geniş miqyaslı, intensiv inkişafı, suvarmada yeni texnologiyaların tətbiqi ulu öndər Heydər Əliyevin ölkəmizə rəhbərlik etdiyi dövrdən başlamışdır. Məhz ulu öndərin təşəbbüsü ilə o dövrdə həyata keçirilən layihələr kənd təsərrüfatının bütün sahələrində diqqətə layiq göstəricilərin qazanılmasını təmin etmişdir.
Çox təəssüf ki, ötən əsrin 90-cı illərindən başlayaraq bu vacib sahə də tənəzzülə uğradı, vəsait çatışmazlığı səbəbindən başlanılan işlər dayandırıldı. Lakin xalqın təkidi ilə ikinci dəfə hakimiyyətə qayıdan ulu öndər Heydər Əliyev meliorasiya sahəsinə yenidən yüksək qayğı və diqqət göstərdi. Ölkənin bazar iqtisadiyyatına keçməsi ilə əlaqədar aqrar sahə ilə paralel olaraq, meliorasiya və su təsərrüfatında da islahatların həyata keçirilməsinə başlanıldı, onların normativ hüquqi bazası yaradıldı.
Bu məqsədlə 40-dan artıq normativ-hüquqi sənəd hazırlandı ki, bunlardan da ən mühümü 1996-cı ildə imzalanmış “Meliorasiya və irriqasiya haqqında” Azərbaycan Respublikasının Qanunudur. Qanun meliorasiya və irriqasiya sahəsində dövlət idarəçiliyinin əsaslarını, meliorasiya və irriqasiya tədbirlərinin aparılması qaydalarını müəyyən etdi.
Ulu öndərin göstərişlərini əsas tutaraq respublikaya qoyulan xarici investisiyalar ilk növbədə meliorasiya və su təsərrüfatı sahəsinə yönəldildi. Xarici investisiyaların səmərəliliyini təmin etmək məqsədilə tikintisi yarımçıq qalmış 150 obyektdən respublika üçün mühüm əhəmiyyət kəsb edən 11 obyekt seçildi.
İnamla demək olar ki, müstəqillik illərində ən sürətlə modernləşən, müasir texniki gücə sahib olan meliorasiya sahəsi aqrar sahənin dinamik inkişafında əsas pay sahibinə çevrilmişdir. Ulu öndər Heydər Əliyevin meliorasiya sahəsinə verdiyi xüsusi əhəmiyyəti nəzərə alan möhtərəm Prezidentimiz İlham Əliyev bu sahənin maddi-texniki bazasının daha da möhkəmləndirilməsi üçün mühüm qərarlar qəbul etmişdir. Ən müasir texnika ilə təchiz edilmiş meliorasiya sahəsində indi görülən işlərin həm həcmi, həm də keyfiyyəti inanılmaz dərəcədə artmışdır. Qeyd etməliyəm ki, meliorasiya sahəsindəki bu günki uğurlarda şəxsən bacarıqlı və içgüzar rəhbərimiz, meliorasiya sahəsinin dərin bilicisi Əhməd Əhmədzadənin əməyi çox olmuşdur.
Biləsuvar Rayon Suvarma Sistemləri İdarəsinin kollektivi Meliorasiya və Su Təsərrüfatı ASC-nin rəhbərliyi tərəfindən qarşıya qoyulan vəzifələrin yerinə yetirlməsində var qüvvə ilə çalışır, verilən tapşırıqların vaxtında, həm də keyfiyyətlə icrasını təmin edir.

Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Biləsuvar Suvarma Sistemləri İdarəsinin rəisi Ədalət Babayevdir.

Ədalət Babayev yüksək insanlığı ilə seçilən bir insandır! Ədalət Babayevin görülən işlərin siyahısına nəzər salanda həyata keçirilən genişmiqyaslı işlərin bariz nümunəsini görmək olar.

Belə bir deyim var: Hər hansı vəzifə kürsüsü insan üçün həm də özünüifadə və özünütəsdiq vasitəsidir. Bu mənada, Ədalət Babayev fəaliyyətinin ilk gündən işində layiqli xidmət vasitəsi kimi yanaşaraq ona göstərilən etimadı layiqincə doğrultmağa çalışdı.