12:28 – İlham Əliyev İsrailin nəqliyyat və yol təhlükəsizliyi nazirini qəbul edib
12:46 – Prezident Millətlər Birliyi təşkilatının Baş katibi ilə görüşüb
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı

GƏNCƏ DÖVLƏT UNİVERSİTETİNDƏ YENİ DƏRS İLİ BAŞLADI

18.09.2020, 12:23,
Gündəm / Təhsil

Sizi yeni tədris ilinin başlaması münasibəti ilə təbrik edirəm. Dünyada baş verən COVİD-19 pandemiyası səbəbindən dərsləri ənənəvi qaydada başlaya bilmirik. Ötən tədris ilində dərslər müxtəlif platformaların köməkliyi ilə təşkil olunmuşdur. Ancaq bu platformalarda müəyyən texniki səbəblərdən tədrisin keyfiyyətini lazımı səviyyəyə artırmaq mümkün olmadı. Azərbaycan Respublikası Təhsil Nazirliyinin dəstəyi ilə ölkəmizin və xarici dövlətlərin tədris ocaqlarında tədris zamanı istifadə olunan sistemlərdən bizim Universitetdə də bu tədris ilindən başlayaraq istifadə edilməsi qərara alınmışdır. Sentyabr ayının 15-dən etibarən dərslər Microsoft Teams platforması ilə aparılacaqdır. Sistemin istifadəsi haqqında təlimat fakültə tyutorları tərəfindən whatsapp qruplar vasitəsilə sizə göndəriləcəkdir. Dərslərdə iştirak sistemdə olan elektron jurnal vasitəsilə qeydiyyata alınır.

İnanırıq ki, yaxın vaxtlarda biz yenidən ənənəvi təhsilə qayıdacağıq. Ancaq o vaxta qədər Microsoft Teams vasitəsilə keçiriləcək dərsərdə fəal olmağınızı tövsiyə edirik.

Bir daha sizi yeni tədris ilinin başlaması münasibətilə təbrik edir və uğurlar arzu edirəm.

Öz tarixi ənənələrinə sadiq qalan Gəncə Dövlət Universitetində 2020/2021-ci tədris ilinə uğurla başlanıldı. Əvvəlki illərdən fərqli olaraq pandemiya ilə bağlı yeni tədris ili böyük təntənə ilə müşaiyət olunmadı. Lakin buna baxmayaraq universitetdə bir canlanma hiss olunurdu. Bunun da əsas səbəbi universitetdə aparılan bir sıra yenilənmə oldu. Belə ki, universitetin korpuslarında bəzi yenidənqurma işləri aparılmış, texnika və avadanlıqların təzələnməsi işləri görülmüşdür. Bundan başqa uzun illərdən bəri istismara yararsız vəziyyətdə olan tələbə yataqxanaları əsaslı şəkildə təmir edilmiş və burada tələbələrin rahatlığı üçün bütün şərait yaradılmışdır.

Qeyd edək ki, yeni dərs ilinin başlanması ilə əlaqədar universitetin tədris binalarında dezinfeksiya işləri də aparılmışdır. Azərbaycan Respublikası Nazirlər Kabineti yanında Operativ Qərargahın tələblərinə əməl etmək üçün pedaqoji kolektivin hər bir üzvünə nəzarət gücləndirilmişdir.

Məlum olduğu kimi pandemiya başlayan gündən digər təhsil ocaqları kimi Gəncə Dövlət Universitetində də təhsil online sisteminə keçmişdir.

Pandemiya səbəbindən tədrisin məsafədən təşkili istiqamətində yarana biləcək çətinliklərin qarşısını almaq məqsədilə bütün fakültələrdə professor-müəllim heyəti üçün “Microsoft Teams” paltformasından istifadəyə dair onlayn formada təlimlər təşkil olunmuşdur. Tələbə heyəti üçün platformadan istifadə üzrə təlimatlar hazırlanmışdır. Onlayn dərslərin texniki təminatı daha da təkmilləşdirilmişdir. Məsafədən təhsilin keyfiyyətli təşkili üçün lazımi şərait yaradılmışdır.

Pandemiyanın yaratdığı çətinliklərə baxmayaraq universitetin beynəlxalq layihələrdə iştirakı, beynəlxalq əlaqələrinin möhkəmləndirilməsi, ikili diplom proqramlarının miqyasının genişləndirilməsi yönündə bir sıra xarici ali təhsil müəsisələri ilə danışıqlar aparılıb, birgə layihələrin həyata keçirilməsi istiqamətində hazırlıq işlərinə başlanılıb.

Bütün bunlar yeni tədris ilində tələbələrimizin peşəkar mütəxəssislər kimi formalaşmasında, elmin sirlərinə yiyələnməsində mühüm rol oynayacaqdır.

Hörmətli müəllimlər, əziz tələbələr yeni tədris ilinin başlanması münasibəti ilə sizi təbrik edir və uğurlar arzulayırıq!