Konfrans Liqasının 1/16 final mərhələsində keçirilən “Qarabağ” - “Marsel” (0:3) oyunundan sonra qonaqların baş məşqçisi Xorxe Sampaoli mətbuat konfransında iştirak edib.
“Qafqazinfo” xəbər verir ki, o, qarşılaşma haqqında fikirlərini bildirib:
“Bizim üçün çətin oyun oldu. Evdədə rəqib bizə çətin anlar yaşatmışdı. Məncə, bu dəfə daha asan qələbə qazandıq”.
Sampaoli Qurban Qurbanovun jesti barədə danışıb:
“Bilmirəm ki, necə şərh edib. Həyatımda belə şey görməmişdim. Belə səviyyəli yarışda istər futbolçunun, istər məşqçinin fantastik hərəkət etməsi çox möhtəşəm hadisədir. Qurbanovu təbrik etmək istəməzdim, onun yerində olmaq istərdim.
Əgər mənim də başıma gəlsəydi, hakimin qərarı ilə razılaşmazdım, qolun qeydə alınmasını istəyərdim. Bunu səmimi etiraf edirəm. Mənim üçün təcrübə oldu”.
Sampaoli matçdan öncə “Marsel” klubunun İnstaqram hesabında fransız klubunun futbolçusunun at üzərində olan fotosunun paylaşılması barədə danışıb:
“Evimizə atla yox, təyyarə ilə qayıdacağıq. “Qarabağ”ın oyunlarını izləmişəm. Bizimlə qarşılaşmalarda üstün futbol oynadılar. Hörmətə layiq olan komandadır”.
.jpeg)
