Çində bir nəfərdə heyvan mənşəli yeni virus aşkarlanıb

Şərqi Çinin Szyansu əyalətində dünyada ilk H10N3 quş qripinə yoluxma faktı qeydə alınıb.

“Global Times” xəbər verir ki, bu virusun ilk aşkarlandığı 41 yaşlı şəxs aprelin 23-də hərarət və digər simptomlarla xəstəxanaya aparılıb.

Çinin səhiyyəsinin səlahiyyətli nümayəndələri virusun quşlardan insana keçmə ehimalı olduğunu desələr də, genişmiqyaslı yayılma riskini aşağı qiymətləndiriblər.

Həkimlərin bildirdiyinə görə virusun insandan insana keçməsi faktı hələlik sübuta yetirilməyib.
Xəstədən götürülən analiz nəticəsində onun H10N3 virusuna yoluxan ilk insan olduğu üzə çıxıb.

Qeyd edək ki, H10N3 quş qripi virusu kimi tanınan Qrip A virusunun bir növüdür. H10N3 vəhşi quşlar arasında yayılan və quşlar üçün ölümcül virusdur. H10N3 qrip və COVID-19 kimi heyvanlar arasında tənəffüs damcıları ilə yayılır.