Deputatlar bu gün Milli Məclisin plenar iclasında “Təhsil haqqında” qanuna dəyişikliyin müzakirəsi zamanı təhsil sahəsindəki durumu kəskin tənqid ediblər.
Deputat Aqil Abbas çıxışında deyib ki, qanun qəbul etməklə təhsil sahəsini düzəldə bilmirik: “Orta məktəbdə aşağı sinif şagirdlərinin çantaları elə ağır olur ki, ona güc çatmır. Onlar böyüyəndə ya qozbel olacaq, ya da “ştanqist”.
Deputat onu da əlavə edib ki, digər diqqətini çəkən məsələ müəllimlərə olan münasibətdir: “Orta məktəb müəllimlərinin üzərinə çox düşümük. Bu maaşla bizim ərköyün balalarımıza dərs deməsi, əsl qəhrəmanlıqdır. Bizim övladlarımıza elm, təhsil verən müəllimləri sanki özümüzə qul etmişik”.
Deputat Siyavuş Novruzov isə təhsilin pillələlərindən narazılığını dilə gətirib, bunların aradan qaldırılmasını təklif edib.
“Yeni qanunun hazırlanmasını təklif edirəm. Təhsildə bu qədər pillə olmaz. Bunlar yığışdırılmalıdır”- deputat qeyd edib.
Deputat Sabir Rüstəmxanlı isə təhsilin bir mərkəzdə təmərküzləşməsinə qarşı çıxış edib.
.jpeg)
