Milli Məclisin Heydər Əliyevin 100 illiyinə həsr olunmuş xüsusi iclası başlayıb

“Ölkə.Az” xəbər verir ki, Milli Məclisin Ümummilli Lider Heydər Əliyevin 100 illik yubileyi və Milli Qurtuluşumuzun 30 illiyinə həsr olunmuş xüsusi iclası keçirilib.

Milli Məclis sədri Sahibə Qafarova tədbirdə çıxş edərək bildirib ki, Ulu öndər Heydər Əliyev dünya dövlətləri tərəfində dünyasəviyyəli bir lider olaraq qəbul edilib və ona hörmət edilib.

O əlavə edib ki, Ulu öndərin Azərbaycanın üzləşdiyi çətin dövrdəki xilaskarlıq missiyası məhz bu parlamentdən başlayıb. “Onun fəaliyyəti nəticəsində Azərbaycan bütün təhlükələrdən xilas olaraq inkişaf mərhələsinə qədəm qoyub”, - spiker qeyd edib.

Spiker Prezident İlham Əliyevin Ulu öndər haqqında dediyi fikirlərə ixtibas edərək bildirib ki, bu günkü Azərbaycan Ümummilli lider Heydər Əliyevin əsəridir. “Məhz onun liderliyi altında Azərbaycanın müstəqilliyi dönməz xarakter alaraq, bugünkü inkişaf mərəhləsinə qədəm qoyub. Ulu öndərin qoyduğu uğurlu inkişaf strategiyası nəticəsində Azərbaycan torpaqları işğaldan azad edilib. Onun layiqli siyasi varisi İlham Əliyev tərəfindən bu siyasət uğurla davam etdirilməkdədir”- o qeyd edib.