12:24 – Azərbaycan Prezidenti: "Bakı Enerji Həftəsi" nüfuzlu platformaya çevrilib
10:06 – İlham Əliyev Bakı 31-ci "Baku Energy Forum"un rəsmi açılış mərasimində iştirak edir
09:29 – İlham Əliyevin sosial media hesablarında Uşaqların Beynəlxalq Müdafiəsi Günü münasibətilə paylaşım edilib
13:57 – İlham Əliyev Xankəndidə açılışlarda - Fotolar- Yenilənib

Yusif Ələsgərov: Torpaq uğrunda canlarından keçən şəhidlər və qazilər hər zaman dövlətin və xalqın diqqət mərkəzindədir

14.04.2021, 12:24,
Sosial

Abşeron Suvarma Sistemləri İdarəsinin müdiri Yusif Ələsgərov - Qırx dörd gün davam edən hərbi əməliyyatlar nəticəsində Azərbaycan ordusu Ermənistanın 30 il ərzində qurduğu silahlı qüvvələrini darmadağın etdi, uzun illər ərzində işğal altında qalan Cəbrayıl, Qubadlı, Zəngilan, Füzuli rayonlarını, Xocavənd rayonunun böyük hissəsini, Laçın rayonunun bir sıra kəndlərini, Qarabağın incisi Şuşa şəhərini işğaldan azad etdi. Şuşanın alınması ilə Ermənistan məğlubiyyətini dərk etdi. Düşmənin ağ bayraq qaldırmaq və kapitulyasiya etməkdən başqa çarəsi qalmadı. Noyabrın 10-da Azərbaycan, Rusiya, Ermənistan arasında üçtərəfli bəyanat imzalandı. Bu bəyanat nəticəsində Ağdam, Kəlbəcər, Laçın qan tökülmədən azad olundu.

Azərbaycan xalqı 44 günlük müharibədə bir yumruq kimi birləşdi. Bu müharibədə nənələr nəvələrinə "get, düşməni parçala" deyə cəsarət verdi, babalar təqaüdlərini əsgərə yardım olaraq bağışladı, atalar oğulları ilə birgə cəbhədə döyüşdü, analar isə bütün əsgər balalarına dualar etdilər. Bu müharibədə qadınlar öz şəhid yoldaşlarını başları dik çiyinlərində daşıdılar. Vətən müharibəsində bir şəhidə min göz ağladı. İnsanlar yoldan keçən əsgər maşınlarının içinə su, yemək, meyvə, isti geyim atmaq üçün saatlarla gözlədilər. Uşaqdan qocaya kimi hər kəs bacardığı qədər əsgərlərə yardım etməyə çalışdı. Məktəblilər cəbhəyə odlu-alovlu, cəsarət dolu məktublar göndərdilər.

Müharibədən sonra 8 dekabr 2020-ci ildə "Azərbaycan Ordusuna Yardım" fondu, "Yaşat" Fondu, 4 yanvar 2021-ci ildə isə "Qarabağ Dirçəliş Fondu" yaradıldı. "Azərbaycan Ordusuna Yardım" Fondu ordunu müasir maddi-texniki baza ilə təmin etmək, hərbçilərin sosial müdafiəsini gücləndirmək, "Yaşat" Fondu döyüşlərdə əlil və həlak olanların ailə üzvlərinə yardım etmək, "Qarabağ Dirçəliş Fondu" isə işğaldan azad edilmiş ərazilərin bərpası və yenidən qurulması məqsədilə yaradılmışdır. Bütün bu fondlar cəmiyyət və dövlət birliyinin təcəssümüdür.

"Yaşat" Fondu şanlı savaşımızda yaralanan qaziləri və şəhid olan igidlərimizin adını, xatirəsini, onların əmanəti olan doğmalarını yaşatmaq, onlara dayaq olmaq məqsədilə dövlət tərəfindən yaradılan və cəmiyyətin milli birlik və bərabərlik ruhundan doğan hislərinin maddi qarşılığı olan ianələrin, yardımların toplanması və nəzarət olunması işlərinə baxan bir fonddur. Görülən işlərə baxdıqda yeni doğulan şəhid övladlarının bütün zəruri xərclərinin qarşılandığı, adlarına bank hesabı açılaraq 5000 manat məbləğində maddi yardım göstərildiyi, şəhid övladlarının özəl məktəblərdə və universitetlərdə ödənişsiz təhsil alması üçün xərclərin qarşılandığı, müharibədə zədə alan əsgərlərin bütün tibbi xərclərinin qarşılandığı, lazım gəldikdə əlil şəxslərin problemlərinin həll olunması məqsədilə Türkiyə, İsrail və başqa ölkələrə göndərildiyi və bir sıra digər önəmli layihə və planların hazırlandığının şahidi oluruq. Bütün bunlardan başqa "Yaşat" fondunun rəhbərliyi altında şəhid övladları "Övladlarımız Tək Ürək" 18 mart Şəhidləri Anma və Çanaqqala Dəniz Zəfərinin 106-cı ildönümünə həsr olunmuş proqramda iştirak etmişlər. Bu addım şəhid övladlarının qürurlandırılması üçün mühüm hadisə idi. Qeyd etmək lazımdır ki, "Yaşat" Fondu həftəlik hesabatlar hazırlayır. Hesabatda neçə ailəyə nə qədər yardım göstərildiyi qeyd olunur. Bu da xalqın Fonda olan inamını daha da artırır.

Torpaq uğrunda canlarından keçən şəhidlər və qazilər hər zaman dövlətin və xalqın diqqət mərkəzində olmuşdur. Onların ailələri, doğmaları bizim baş tacımızdır. "Yaşat" Fondu bu insanlara sevgimizi, hörmətimizi göstərə bilməyimiz üçün bir vasitədir.

Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Abşeron Suvarma Sistemləri İdarəsinin müdiri Yusif Ələsgərovdur.

Abşeron Suvarma Sistemləri İdarəsinin müdiri Yusif Ələsgərov peşəkarlığı və qayğıkeşliyi ilə seçilən insandır.
Şərəfli vəzifəyə yiyələnən Yusif Ələsgərov bu işin müqəddəsliyini qoruyub saxlayır. Yusif Ələsgərov kömək etdiyi hər kəsin rəğbətini qazanan insanlardandır.

Sorğu apardıq ağız dolusu Yusif Ələsgərovdan danışdılar yaxşı ki, Yusif Ələsgərov Abşeron Suvarma Sistemləri İdarəsinin müdiridir… Yusif Ələsgərov öz isguzarlığı ilə tanınır və seçilir….

Yusif Ələsgərov Ulu Öndər Heydər Əliyevin siyasi kursuna daim sadiqdir. Heç bir təmanna güdmədən, tutduğu vəzifədən asılı olmayaraq, vəzifədə olub-olmamasından asılı olmayaraq prezident İlham Əliyevə, dövlətə və dövlətçiliyimizə sabit, stabil, sadiq adamdır.