''Mənə çox çətindir'' — Səidə Dadaşova atasından danışdı

Müğənni Səidə Dadaşova atası Xalq artisti Rafael Dadaşovdan danışıb.
O, Arb televiziyasında yayımlanan ''Ona qalsa'' verilişinin qonağı olub. İfaçı atasının itkisinin onun üçün çox ağır olduğunu bildirib.

''Mən hələ də atamın ölümünə inana bilmirəm. Mənə elə gəlir ki, sanki o, bizi tərk edib, çox uzaqlarda yaşayır. Ancaq heç bir cavab da yoxdur. Axı, necə inana bilərəm? O, mənim ölməz atamdır. Onsuz mənə həqiqətən də çox çətindir. Mənim yanımda yoldaşım, ailəm olmasına baxmayaraq, yenə də atamın yanımda olmasını, mənə hər zamankı kimi dəstək olmasını istəyərdim'',- deyə, o, bildirib.

Qeyd edək ki, Xalq artisti Rafael Dadaşov 17 martda ürəyin işemik xəstəliyi, infarktdan sonrakı kardioskleroz və ağciyərlərin xroniki abstruktiv xəstəliyindən vəfat edib.