Boş qalan məktəbəqədər təhsil qrupları bağlanacaq

"Bölgələrdə məktəbəqədər təhsil müəssislərədə boş yerlərin, Bakıda isə gözləyənlərin sayı çoxdur".
Bunu Elm və təhsil naziri Emin Əmrullayev yeni tədris ilinə dair brifinqdə deyib.

"Hansısa bölgədə bir qrup tamamilə boşdursa, onun maliyyəsini Bakıda gözləyənlər üçün yönəltməyi düşünürük"- o deyib.

Nazir əlavə edib ki, Qarabağ və Şərqi Zəngəzurda 7 məktəbəqədər təhsil müəssisəsində 243 uşaq təhsilə cəlb olunub və bu müəssisələrdə 82 işçi var.

E.Əmrullayev deyib ki, sözügedən bölgələrdə bu il 6 məktəbəqədər təhsil müəssisəsi istifadəyə veriləcək.