12:28 – İlham Əliyev İsrailin nəqliyyat və yol təhlükəsizliyi nazirini qəbul edib
12:46 – Prezident Millətlər Birliyi təşkilatının Baş katibi ilə görüşüb
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı

Aqşin Bədəlov: Erməni mafiyasının diktəsi və Kristofer Smitin iflası

08.09.2023, 13:22,
Cəmiyyət

Əziz oxucu! Bir az toxta, dur! Məmurların qanunsuzluqlar, sosial problemlər, kresloda oturanların vətəndaşlara təhkimçi kimi baxmaları, korrupsiya və maliyyə maxinasiyaları ilə toplanan milyonlardan, kapitaldan bəhs edən məlumatlardan bir qədər uzaqlaşaq. Sizə çoxlarının yazacaqlarımıza inanmadığı, şəxsiyyəti və real əməli ilə bizi də fəth edən bir şəxsdən - Aqşin Bədəlov barədə bəhs edəcəyik. Onun haqqında elini-obasını sevən bir insan kimi gördüklərimizi, bildiklərimizi və başqalarının fikirlərini təqdim edəcəyik.

Dünyaya göz açan hər bir kəsin, öz yolu, öz cığırı olur. Bu da əzəli məlum, sonu ALLAHIN qismətindən asılı ömür yoludur. Deyirlər, öz dünyasında olan insanın söz və əməl dünyası saleh olur. Bu yolu şərəflə, ləqayətlə, inam və imanla addımlayan Aqşin Bədəlov Vətənə ləyaqət nümunəsi sayılacaq vəzifə sahiblərindəndir.

Aqşin Bədəlov Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.

Aqşin Bədəlov - Məlum olduğu kimi, sentyabrın 7-də Amerika Birləşmiş Ştatlarının Nümayəndələr Palatasının insan hüquqları komissiyasının həmsədri Kristofer Smitin təşəbbüsü ilə Qarabağdakı “humanitar böhran”la bağlı dinləmələr keçirilib. Qatı ermənipərəst mövqeyi ilə tanınan bu şəxs çıxışında Azərbaycanı təcavüzkarlıqda və Qarabağda ermənilərə qarşı soyqırımı törətməkdə günahlandırıb.

Qeyd edək ki, bu, amerikalı konqresmen tərəfindən nümayiş etdirilən ilk qərəzli davranış deyil. Məsələyə dair ənənə şəklini almış bundan öncəki bütün dinləmələrdə, o cümlədən iyunun 21-də keçirilmiş toplantıda Kristofer Smit eyni mövqedən çıxış edib. Onun adı Azərbaycan ictimaiyyətinə erməni lobbisi və diasporunun əlində alətə çevrilmiş şəxs kimi çox yaxşı tanışdır. Hələ 1992-ci ildə ABŞ-ın Azərbaycana dövlət yardımının qarşısını alan Azadlığı Müdafiə Aktına 907-ci düzəlişin hazırlanmasında və qəbul edilməsində də Kristofer Smit çox böyük canfəşanlıq göstərib. O, eyni zamanda beynəlxalq aləmdə, ayrı-ayrı ölkələrin parlamentlərində qondarma “erməni soyqırımı”nın tanınması istiqamətində böyük fəallıq nümayiş etdirib. Qarabağdakı son vəziyyətlə bağlı dinləmələrin keçirilməsinin əsas məqsədi isə birinci növbədə separatçı rejimin mövqelərini möhkəmləndirmək və bütövlükdə Cənubi Qafqaz bölgəsində sülhyaratma prosesinə əngəl yaratmaqdır. Mahiyyətcə Kristofer Smitin bütün fəaliyyəti Azərbaycan və Türkiyə əleyhinə yönəlib və Ermənistanın mənafeyini müdafiə etməyə istiqamətlənib.

İclasa Beynəlxalq Cinayət Məhkəməsinin keçmiş prokuroru Luis Moreno Okamponun dəvət olunması və Ermənistanın ABŞ-dəki səfirinin, habelə erməni icmasının nümayəndələrinin geniş tərkibdə iştirakı onu göstərir ki, bu dinləmələr beynəlxalq erməni mafiyasının diktəsi ilə keçirilir və heç bir halda obyektiv və ədalətli ola bilməz. Elə buna görədir ki, dünənki dinləmələrdə ABŞ Dövlət Departamentinin və USAİD-in nümayəndələri iştirak etməyiblər. Smitin özü etiraf edib ki, onun həmsədr olduğu 25 ildən artıq bir müddət ərzində müstəsna hal baş verib, yəni Amerikanın dövlət qurumlarının nümayəndələri onun çoxsaylı zənglərinə və məktublarına heç bir cavab verməyiblər. Bundan əlavə, 2015-ci ildə onun hazırladığı “Azərbaycandan siyasi məhbusları azad etməyi və insan haqlarının vəziyyətini yaxşılaşdırmağı” tələb edən “Azərbaycan demokratiya aktı” adlı qanun qanun layihəsi Nümayəndələr Palatasında bir neçə dəfə bloklanıb. Bu, onu deməyə əsas verir ki, bu dinləmələr də əvvəlki dövrlərdə olduğu kimi, ABŞ-nın Azərbaycanla bağlı dövlət siyasətinə heç bir təsir göstərə bilməyəcək və beynəlxalq səviyyədə heç bir hüquqi nəticəyə gətirib çıxarmayacaq. Azərbaycan isə hər zaman olduğu kimi öz qətiyyətli mövqeyini qoruyub saxlamaqla qarşıya qoyduğu hədəflərə doğru daha inamla irəliləyəcək.

Azərbaycanda güclü və yüksək döyüş hazırlığına malik ordu yaradılması Ümummilli Lider Heydər Əliyevin adı ilə bağlıdır. Məhz Ulu Öndər Heydər Əliyevin sayəsində Azərbaycanda bütün sahələrlə yanaşı, ordu quruculuğunda da böyük nailiyyətlər qazanılıb, peşəkar, yüksək səviyyəli nizami ordu formalaşdırılıb. Prezident, Ali Baş Komandan İlham Əliyevin xüsusi diqqət və qayğısı sayəsində ordumuz regionun ən qüdrətli ordusuna çevrilib. 44 günlük Vətən müharibəsindəki parlaq Qələbə ordumuzun gücünün və qüdrətinin göstəricisidir. 44 gün davam edən İkinci Qarabağ müharibəsi Azərbaycan torpaqlarının işğalına son qoydu. Müzəffər Ali Baş Komandan, Prezident İlham Əliyevin rəhbərliyi ilə Azərbaycan Ordusu Zəfər qazandı. Vətən müharibəsi və onun nəticələri Azərbaycan Silahlı Qüvvələrinin Cənubi Qafqazın ən qüdrətli ordusu olduğunu bir daha göstərdi. Ötən illər ərzində ölkəmizin müdafiə sisteminin möhkəmləndirilməsi, orduda aparılan islahatlar və bu sahədə qazanılan uğurlar Müzəffər Ali Baş Komandan İlham Əliyevin rəhbərliyi ilə ordu quruculuğu sahəsində həyata keçirilən islahatların nəticəsidir.
Çox təəssüflər olsun ki, qazanılmış hərbi-siyasi qələbə nəticəsində regionda yaranmış yeni reallıqlarla barışmayan Ermənistan və başda avanturist Fransa olmaqla onu himayə edənlər hələ də müəyyən illüziyalara qapılaraq ölkəmizə qarşı ərazi iddialarından əl çəkmir, yeni revanşist iddialarla çıxış edirlər.
Ermənistanın təslimçilik - kapitulyasiya aktı olan 10 noyabr 2020-ci il tarixli üçtərəfli Bəyanata etinasız yanaşmaqla, icrası zəruri müddəaları kobud şəkildə pozmağa davam edir. Bunlardan ən başlıcası isə razılaşdırılmış və qəbul edilmiş öhdəliklərdən sui-istifadə edərək humanitar məqsədli Laçın yolundan öz çirkin hərbi-siyasi məqsədləri üçün istifadə etdilər. Eyni zamanda, Azərbaycanın Qarabağ iqtisadi rayonundan Ermənistan silahlı qüvvələrinin qalıqlarının və qanunsuz silahlı birləşmələrin çıxarılması tələbini icra etmədilər. Əksinə, ərazilərin minalanmasını, seperatçıların silah-sursatla təmin olunmasını həyata keçirdilər. Bundan əlavə Qarabağ iqtisadi rayonunda təbii sərvətlərimiz vəhşicəsinə talan edilir və ekologiyaya ciddi zərər vurulurdu.
Bütün bu qanunsuzluqlara və haqsızlıqlara etiraz olaraq Azərbaycan ekofəalları, ictimai və qeyri-hökumət təşkilatlarının nümayəndələri tərəfindən Laçın-Şuşa-Xankəndi yolu üzərində etiraz aksiyalarına start verildi. Onların 138 gün fasiləsiz şəkildə nümayiş etdirdikləri haqlı mübarizə vətən, xalq naminə edilən əsl cəsarətlilik, fədakarlıq nümunəsi idi. Lakin çox təəssüflər olsun ki, uzun müddət davam edən haqlı, sivil etirazlara və bəyanatlara rəğmən qarşı tərəf rus sülhməramlı kontingentinin də himayədarlığından yararlanaraq, alternativ yollardan istifadə etməklə, öz çirkin əməllərini davam etdirdilər. Beləliklə, bütün bu qanunsuz əməllər və biganə münasibət Azərbaycan tərəfinin haqlı olaraq daha ciddi tədbirlər görməsini zəruri etdi.
Belə ki, 23 aprel 2023-cü il tarixdə Azərbaycan-Ermənistan sərhədində Laçın rayonu ərazisində Həkəri çayının üzərində “Laçın” sərhəd-buraxılış məntəqəsi quruldu, fəxarət rəmzimiz üçrəngli, ay-ulduzlu dövlət bayrağımız dalğalandırıldı. Bununla da Azərbaycanın ərazi bütövlüyü tam bərpa oldu. Beləliklə, xalqımız ölkə sərhədlərinin toxunulmazlığının onun üçün nə qədər böyük önəm daşıdığını bütün dünyaya bəyan etdi. Bu proses kənardan heç də sadə və bəsit görünməməlidir. Bütün görülən bu işlərin təməlində vətən sevgisi ilə yoğrulmuş böyük zəhmət, iradə, cəsarətli və dərin düşünülmüş diplomatik addımlar dayanır.
Laçın-Xankəndi yolunda sərhəd-keçid məntəqəsinin yaradılması suveren hüquqlarımızın qorunması, təhlükəsizliyimizin təmini istiqamətində atılan mühüm, tarixi addımlardan biridir. Bu addım dövlətimizin təhlükəsizlik məsələsində kimsəyə güzəştə getmədiyini, öz suveren hüquqlarının tam şəkildə bərpası üçün sona qədər iradə sərgiləməyə qadir olduğunu göstərdi. Başlıcası, rəsmi Bakı Laçın-Xankəndi yolunda sərhəd-keçid məntəqəsi yaratmaqla sübut etdi ki, Azərbaycan sadəcə öz təhlükəsizliyni deyil, həm də regional təhlükəsizliyi təkbaşına təmin etməyə qadirdir və bunun üçün kifayət qədər gücü var.
Beləliklə, BMT Nizamnaməsinin 51-ci maddəsinə müavfiq olaraq Laçında sərhəd buraxılış məntəqəsini yaradılması ilə Azərbaycan öz ərazi bütövlüyünü tam bərpa etmək hüququna malik olmasını bütün dünyaya göstərdi.
Əldə olunmuş bu tarixi nəaliyyətlər, qazanılmış böyük uğurlar ölkə başçısı, Ali Baş Komandan cənab İlham Əliyevin mərhələli şəkildə planlaşdırdığı və zərgər dəqiqliyi ilə qurub-yaratdığı hərbi-siyasi xarakterli müdrik strateji gedişlərin əməli nəticəsidir. Bu səbəbdəndir ki, Azərbaycan xalqı hər zaman öz rəhbərinə güvənmiş, onun “Nəyi, necə, nə vaxt etmək lazımdır, bunu mən bilirəm” kəlamının ətrafında böyük inam və cəsarətlə sıx birləşmişdir. Bunun əməli nəticəsidir ki, xalq-iqtidar birliyi hər zaman olduğu kimi bu gün də qazanılmış böyük uğur və nailiyyətlərlə özünü sübuta yetirməkdədir.