Rusiyanın qəddar hücumu: 10 dərəcə şaxtada Ukraynanın iki bölgəsi tam zülmətə qərq oldu

Rusiyanın enerji infrastruktutuna dünən endirdiyi zərbələrdən sonra Ukraynanın Dnepropetrovsk və Zaporojye bölgələrində enerji tamamilə kəsilib.

RBC- Ukraina xəbər verir ki, mənfi 10 dərəcəyə yaxın şaxtalarda yüz minlərlə insan istiliksiz, susuz, işıqsız qalıb. Yerli hakimiyyət orqanları insanlardan su ehtiyatı toplamalarını, uzunmüddətli dövr üçün enerjisizliyə hazırlaşmalarını xahiş ediblər.

Dnepropetrovsk Regional Şurasının rəhbəri Nikolay Lukaşuk və Zaporojye Regional Dövlət Administrasiyasının rəhbəri İvan Fedorovun Telegram-dakı açıqlamalarında enerjinin bərpasının uzun müddət tələb edəcəyi bildirilib. Lukaşuk yazıb: "Hazırda elektrik təchizatının bərpası ilə bağlı heç bir proqnoz yoxdur. Əgər hazırda evdə su varsa, ehtiyat yığın. Bu, xüsusilə Pavloqrad və Sinelniki rayonları üçün vacibdir, çünki kommunal xidmət də elektrik enerjisizdir".

Onlayn məlumatlara görə, Dneprdə elektrik, su, istilik, internet və mobil rabitə yoxdur. Əhalidən internetdən maksimum az istifadə etmələri istənilib. Yerli mobil rabitə təchizatçıları ən yaxşı halda 7-8 saatlıq resurslarının qaldığını elan ediblər.

Xəstəxanalarda generatorlar işə salınıb, metro işləmir, dəmiryolunda qatarlar istilik teplovozları ilə hərəkətə keçirilir.