13:21 – Prezidentdən göstəriş: geniş islahat paketi hazırlanır
11:04 – İlham Əliyev Leonid Slutski ilə görüşüb
14:08 – Prezident SABAH proqramı ilə bağlı sərəncam imzaladı
12:25 – İlham Əliyev Şimali Makedoniya Prezidenti ilə görüşüb

Rafiq Quluyev: 44 gündə 30 illik ədalətsizliyə son qoyuldu

07.04.2021, 12:01,
Gündəm / Cəmiyyət

Xətai rayon İcra Hakimiyyətinin başçısı Rafiq Quluyev - 2021 –ci il 31 mart tarixində Türkdilli Dövlətlərin Əməkdaşlıq Şurasının qeyri –formal zirvə görüşü keçirildi. Görüşdə Cənab Prezidentimizin qalib ölkənin Ali Baş Komandanı olaraq iştirakı Azərbaycan vətəndaşı olaraq hər birimizin qəlbində fəxarət hissi oyatdı. Hörmətli Prezidentimiz 44 günlük zəfərimizdən və bu müharibəyə qədərki 30 illik nəticəsiz qalan danışıqlar prosesindən danışdı. Cənab Prezident beynəlxalq təşkilatların bu münaqişnin həlli üçün heç bir fəaliyyət göstərmədiyini xüsusilə qeyd etdi, Minsk Qrupunun yarıtmaz fəaliyyəti, Ermənistana qarşı heç bir sanksiya tətbiq etməməsi, cinayətkar dövlətə qarşı təzyiq göstərməməsini pislədi. Cənab Ali Baş Komandan Ermənistanın danışıqlar prosesini uzatmasını , eyni zamanda son iki ildə işğalçı ölkə rəhbərlərinin “Qarabağ Azərbaycandır!“ deməklə təxribatçı çıxışlarla danışıqları mənasız etdiyini qeyd etdi. Şuşaya qondarma dövlətin parlamentinin köçürülmək və andiçmə mərasimi keçirilməsi xalqımızın heysiyyatına və mənliyinə toxunmaq idi. 2020-ci il iyul ayında Tovuz rayonu ərazisində ermənilərin növbəti təxribatı Azərbaycan xalqının səbrini tarıma çəkdi . Xalqımız və dövlətimiz bu işğalla heç bir vaxt barışmamışdı. Buna görə də minlərlə Azərbaycan vətəndaşı Ali Baş Komandanla birlik nümayiş etdirdi və könüllü cəbhəyə yazıldı.

Nəhayət, 2020 –ci ilin 27 sentyabrında mənfur düşmənin növbəti təxribatı münaqişənin hərbi yolla həllini labüd etdi. Azərbaycan ordusu başda Ali Baş Komandanımız Cənab İlham Əliyev olmaqla 44 gündə 30 illik ədalətsizliyə son qoydu. Müzəffər ordumuzun gücü ilə qələbə qazandıq . Azərbaycan ərazi bütövlüyünü bərpa etdi. Bu tarixi zəfərimiz xalqımızın tarixində qızıl səhifədir. Bu zəfərə imza atan Azərbaycan dövləti və xalqı bütün türk dünyasını birləşdirdi. Zəngəzur dəhlizi bütün türk dünyasının birlik simvolu olacaq.

İndi minlərlə şəhid və qazimizin qanı ilə suvarılan yurdumuza dönürük. Bu dönüşümüzlə şəhidlərin müqəddəs ruhlarını sevindirməli, Qarabağımızı gülüstana çevirməliyik. Böyük qayıdışımızla düşmənə göz dağı verməli , bir daha Vətənimizə yağı əlinin uzanmasına yol verməməliyik.

Zəfərin mübarək, Azərbaycan!

Naximov küçəsi 9, 11 ünvanlarında və ətraf ərazilərdə abadlıq işləri davam edir

Rayonun simasının daha da gözəlləşməsi və müasirləşməsi, əhalinin rahatlığının təmin edilməsi istiqamətində Xətai Rayon İcra Hakimiyyəti tərəfindən davamlı olaraq abadlıq-quruculuq işləri aparılır. Naximov küşəsi 9, 11 ünvanlarında və ətraf ərazilərdə abadlıq işləri davam edir.

Görülən işlər çərçivəsində ərazidə mövcud olan köhnə bağlar, qanunsuz çəpərlənmələr və yöndəmsiz tikililər sökülərək tullantılar daşınıb, sakinlərin rahat gediş-gəlişini təmin etmək məqsədilə ərazidə təmizlik və abadlıq işləri aparılıb.

Bakı Şəhər İcra Hakimiyyətinin təşəbbüsü və təşkilatçılığı keçirilən müsabiqəyə Xətai rayon İcra Hakimiyyəti də onlayn qoşulub

Əsas məqsədi Prezident, Ali Baş Komandan İlham Əliyevin rəhbərliyi ilə müzəffər ordumuzun 44 günlük Vətən müharibəsində düşmən üzərində qazandığı şanlı qələbəsinin təbliği, eləcə də böyüməkdə olan gənc nəsildə doğma vətənə sevgi və məhəbbət hisslərinin aşılanması, onlar arasında vətənpərvərlik ruhunun təbliğ olunması istiqamətində görülən işlərin daha da genişləndirilməsi olan müsabiqə 2 mərhələdən ibarət olub.
Bakı Şəhər İcra Hakimiyyətində təşkil edilən elmi konfransda Bakı Şəhər İcra Hakimiyyətinin başçısı Eldar Əzizov, Təhsil Nazirinin müavini Firidun Qurbanov, Bakı Şəhəri üzrə Təhsil İdarəsinin müdiri Mehriban Vəliyeva, Azərbaycan Milli Elmlər Akademiyası Tarix İnstitutunun icraçı direktoru Cəbi Bəhrəmov, Bakı Şəhər İcra Hakimiyyəti Başçısı Aparatının İctimai-siyasi, humanitar məsələlər və dini qurumlarla iş şöbəsinin müdiri Elmin İmanov, BŞİH-də yeni yaradılmış Vətən müharibəsi iştirakçıları və şəhid ailələri ilə işin təşkili şöbəsinin müdiri Cavid Fərhadov, müsabiqənin Bakı şəhər turunun qalibləri seçilmiş şagirdlər iştirak ediblər.
Eyni zamanda video formatında konfransa digər iştirakçı şagirdlər, paytaxt rayonları İcra Hakimiyyətlərinin məsul əməkdaşları, qalib şagirdlərin elmi rəhbərləri və onların təhsil aldıqları məktəblərin rəhbərləri də qoşulublar.
Eldar Əzizov tədbirdə çıxış edib: "Uzun illərdir ki, erməni millətçiləri azərbaycanlılara və digər müsəlman xalqlarına qarşı soyqırımı siyasəti aparıblar. Əgər 2 əsr əvvəl İrəvan xanlığının 70 faizi, Zəngəzurun böyük hissəsi azərbaycanlılardan ibarət idisə, indi həmin torpaqlarda bir nəfər də olsun azərbaycanlı qalmayıb. Bu siyasətin davamı olaraq ötən əsrin 90-cı illərində torpaqlarımızın 20 faizi işğal edilib.
Prezident İlham Əliyevin Azərbaycana rəhbərlik etdiyi illərdə ölkədə qüdrətli iqtisadiyyat və bu iqtisadi baza üzərində güclü ordu yaradılıb. Beynəlxalq münasibətlər və informasiya sahəsində böyük uğurlar əldə edilib. Bunun nəticəsində müharibədə şanlı qələbə qazanılıb və torpaqlarımız işğaldan azad edilib.
Prezident İlham Əliyevin rəhbərliyi ilə qazanılan bu Qələbə son əsrlərdə Azərbaycanın ilk hərbi qələbəsidir. Bütün bunlar ölkə başçısı İlham Əliyevin dahi intellekti və müdrik siyasət sayəsində əldə olunub. Bu da tarixdə şəxsiyyət fenomenini bir daha sübut edir".
Digər çıxışçılar da müsabiqənin əhəmiyyətini qeyd edərək Vətən savaşında qazanılan şanlı Qələbənin geniş təbliğinin vacibliyini vurğulayıblar.
Qeyd edilib ki, paytaxt rayonlarında keçirilən birinci mərhələdə 12 rayon üzrə 316 orta təhsil müəssisəsindən 1879 şagird iştirak edib, onlar 18 mövzu üzrə referatlarını təqdim ediblər. İlkin müsabiqələrdə 125 şagird birinci mərhələnin qalibi adına layiq görülüb, onlar diplom və hədiyyələrlə mükafatlandırılıblar. Müsabiqə komissiyası tərəfindən rayon qalibləri arasından xüsusi fərqlənən 33 nəfər şagird Bakı şəhər mərhələsinə iştirak üçün vəsiqə qazanıb və onlar Bakı şəhəri üzrə keçirilən yekun mərhələdə müsabiqənin qalibi elan ediliblər. Qaliblər sırasında Xətai rayon məkəblərindən 116 saylı məktəbin şagirdi Nastya Qəniyeva, 263 saylı məktəbin şagirdi Leyla Nəsibova və 64 saylı məktəbin şagirdi Aysu Məmmədova yekun mərhələyə vəsiqə qazanmış və qalib olmuşlar. Tədbirdə çıxış edən 12 şagird sırasında Xətai rayonu 116 saylı məktəbin şagirdi Nastya Qəniyeva da olmuşdur.
Qalib məktəblilərin çıxışlarından sonra bu referatların Bakı Şəhər İcra Hakimiyyəti tərəfindən kitab şəklində çap ediləcəyi bildirilib.