Xətai rayonunda silsilə tədbirlər davam edir - ÖZƏL

Nobel prospektində abalıq-yaşıllaşdırma işləri davam etdirilir



Rayonun simasının daha da gözəlləşməsi, yaşıllıqların çoxaldılması, ekoloji durumun yaxşılaşdırılmasının təmin edilməsi istiqamətində Xətai rayon İcra Hakimiyyəti tərəfindən davamlı olaraq abadlıq, yaşıllaşdırma və ağacəkmə tədbirləri davam etdirilir. Abadlıq işləri aparılan küçələrdə, məhəllədaxili ərazilərdə quruculuq və təmizlik işləri ilə yanaşı olaraq yaşıllıq örtüklərinin salınması və ağac əkimi həyata keçirilir.

Hazırda rayonun Nobel prospektində həmişəyaşıl ağacların əkilməsi və yaşıllıq örtüyünün salınması sürətlə davam etdirilir. Görülən işlər çərçivəsində yeni səki daşları düzülür, salınan yaşıllıqlara aqrotexniki qulluq göstərilməsi, sulanması üçün yeni su xətləri çəkilir.



Xətai rayonunda COVİD-19 ilə mübarizəyə dair təbliğat işləri davam edir



Xətai rayonunda COVİD-19 ilə mübarizə üzrə nəzərdə tutulan tədbirlərlərlə bağlı maarifləndirmə və təbliğat işləri həyata keçirilir.

Xətai rayonunda ticarət, iaşə və xidmət obyektlərində TƏBİB tərəfindən hazırlanmış metodik göstərişlərdə qeyd olunmuş zəruri sosial davranış qaydalarına və sanitar-epidemioloji tələblərə əməl edilməsinə nəzarətin gücləndirilməsi məqsədilə təbliğat və maarifləndirmə işləri həyata keçirilir. Tədbirlər çərçivəsində xidmət sahələrində çalışan işçilərlə maarifləndirmə söhbətləri aparılır, xüsusi karantin rejimi qaydalarına əməl olunmasının vacibliyi vurğulanır.
Diqqətə çatdırılır ki, mövcud vəziyyətlə əlaqədar olaraq işçi heyətinin mütəmadi olaraq maarifləndirilməsi, infeksiyanın yayılmasının qarşısının alınması ilə bağlı bir sıra tədbirlərin görülməsi labüddür. Habelə, xidmət sahələrində ümumi istifadə edilən səthlərin mütəmadi təmizlənməsi və dezinfeksiya edilməsinin əhəmiyyəti də qeyd edilir.



Xətai rayonunda növbəti dəfə genişmiqyaslı gücləndirilmiş dezinfeksiya işləri aparılır



Xətai rayonunda küçə və prospektlərdə xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılır.

Gün ərzində rayonun Xocalı və Gəncə prospektləri, Y.Səfərov, İ.İsmayılov, G.Şıxlinski, İ.Zülfüqarov, X.Məmmədov,Sadıqcan, M.Hadi, Naximov və s. küçələrində genişmiqyaslı dezinfeksiya işləri aparılır, küçələr kimyəvi məhlulla xüsusi avtomaşınlarla yuyulur.

Rayonun kommunal xidmətlərinin əməkdaşları tərəfindən dezinfeksiyaedici aparatlarla səkilərdə, yol kənarlarında, park və meydanlarda, obyektlərin qarşısında, yol kənarı məhəccərlərdə də tibbi-profilaktiki işlər görülür.

Bununla yanaşı, yaşayış binalarında, həyət və yaşayış məhəllələrində, buradakı idman-əyləncə qurğularında, məişət tullantılarının atıldığı konteyner meydançalarında da tibbi-profilaktik və dezinfeksiyaedici tədbirlər davam etdirilir.

Qeyd edək ki, bununla əlaqədar sakinlərdən ciddi zərurət yaranmadığı təqdirdə bu gün küçəyə çıxmamaq tövsiyyə olunur.



Nobel prospektində yaşıllaşdırma işləri davam edir



Rayonun simasının daha da gözəlləşməsi, yaşıllıqların çoxaldılması, ekoloji durumun yaxşılaşdırılmasının təmin edilməsi istiqamətində Xətai rayon İcra Hakimiyyəti tərəfindən davamlı olaraq abadlıq, yaşıllaşdırma və ağacəkmə tədbirləri davam etdirilir. Abadlıq işləri aparılan küçələrdə, məhəllədaxili ərazilərdə quruculuq və təmizlik işləri ilə yanaşı olaraq yaşıllıq örtüklərinin salınması və ağac əkimi həyata keçirilir.

Hazırda rayonun Nobel prospektində həmişəyaşıl ağacların əkilməsi və yaşıllıq örtüyünün salınması davam etdirilir. Görülən işlər çərçivəsində yeni səki daşları düzülür, salınan yaşıllıqlara aqrotexniki qulluq göstərilməsi, sulanması üçün yeni su xətləri çəkilir.