Ukrayna Prezidenti Vladimir Zelenski bildirib ki, Luqansk vilayətində məktəbə bomba atılıb.
Ukrayna mətbuatı xəbər verir verir ki, hücum nəticəsində 60-a yaxın insanın öldüyünü bildirib.
Luqansk vilayətinin qubernatoru Serxiy Qayday 90 nəfərin sığındığı məktəbin dağıntıları altından 30 nəfərin xilas edildiyini açıqlayıb. O deyib ki, Rusiya hərbçiləri və separatçı qüvvələrin Ukrayna Ordusunu mühasirəyə almağa çalışdığı Luqanskda şiddətli toqquşmalar gedir.
Partlayışla bağlı teleqram kanalında məlumat verən qubernator yanğınsöndürənlərin binanı əhatə edən alovu 3 saat ərzində söndürə bildiyini bildirib. Qubernator Qayday onu da əlavə edib ki, kəndlilərin demək olar ki, hamısı məktəbin zirzəmisində gizlənir.
Hücumla bağlı açıqlama verən BMT-nin baş katibi Antonio Quterreş, mülki şəxslərin həyatını hər şəkildə qorumaq lazım olduğunu müdafiə edərək, görüntülərdən dəhşətə gəldiyini bildirib.
Qeyd edək ki, Donetsklə birlikdə Donbas bölgəsinin bir hissəsini təşkil edən Luqanskın böyük hissəsi son səkkiz il ərzində separatçı qüvvələrin nəzarəti altındadır.
.jpeg)
