Bakı şəhərinin Qaradağ rayonunun Müşfiqabad qəsəbəsində yerləşən "Qaçqınlar" şəhərciyini su basıb.
Bu barədə sakinlər Baku.ws-in "qaynar xətti"nə şikayətlərində bildiriblər.
Qeyd edilib ki, 8-9 gündür Abşerondan gələn su borusu partlayıb.
Məsələ ilə bağlı aidiyyəti qurumlara şikayət olunsa da, problem həll olunmayıb.
Məsələ ilə əlaqədar İri Şəhərlərin Birləşmiş Su Təhcizatından bildirilib ki, Qaradağ Sukanal İdarəsinin həmin xətdə baş verən qəzadan xəbəri var:
"Qəzalı boru altı metr dərinlikdə yerləşdiyi üçün dərin qazıntı işləri aparılacaq. Vəziyyət nəzarətdədir, sabah - avqustun 13-də təmir işlərinə başlanılacaq.
Həmin ərazidə su qrafiklə verildiyindən qəzalı borudan axıntı müəyyən saatlarda olur. Suyun verilməsi tam dayandırılsa, sakinlər susuz qala bilər deyə, axıntını borunu təmir etməklə birdəfəlik aradan qaldırmaq məqsədəuyğundur".
.jpeg)
