Ermənistan ordusu itkilərinin yeni sayını açıqladı

Ermənistan tərəfi üçtərəfli razılaşmadan əvvəl Dağlıq Qarabağda məhv edilmiş daha 37 hərbçisinin adını açıqlayıb.
Azvision.az xəbər verir ki, bununla işğalçı ölkənin rəsmən elan etdiyi itkilərin sayı 1339-a çatıb.

Real faktlar isə təsdiqləyir ki, Ermənistan ordusunun itkiləri göstərilən rəqəmlərdən qat-qat çox olub. Üstəlik, düşmən ordusuna terrorçular və muzdlular da cəlb edilib. Onların ölüm statistikası aparılmayıb.

Qeyd edək ki, bir neçə gün əvvəl Qarabağ separatçılarının lideri Arayik Arutyunyan döyüşlər vaxtı hər gün azı 100 itki verdiklərini etiraf etmişdi.