Şəhid Şamilov Emil Rafiq oğlunun ölümündən əvvəl çəkilən görüntüləri yayılıb.
Şəhidimizin fəhlə kimi çalışdığı zaman çəkilən görüntüləri marağa səbəb olub.
Onun fəhlə kimi çalışdığı evin şəhid olduqdan sonra ailəsinə verildiyi bildirilir.
Qeyd edək ki, E.Şamilov 1996-cı ildə Bakı şəhərində anadan olub. O, 2012-ci ildə Peşə məktəbini bitirdiktən sonra Həqiqi Hərbi Xidmətə çağırılıb və Hərbi Xidmətini Naxçıvan şəhərində yerləşən “N” saylı Hərbi Hissənin Xüsusi Təyinatlı dəstəsində xidmət edib.
E.R.Şamilov 2007-ci ildən professional “Oyama Kyokuşin Kontak Karate” idman növü ilə məşqul olub.2014-ci ildə Həqiqi Hərbi Xidməti bitirdiktən sonra idman növü ilə daha da dərindən məşqul olduğu müddət ərzində 12 qat Respublika çempionu, 1 qat Avropa çempionu, Dünya kubokunun sahibi, Yevraziya çempionu, Zaqafqaziya çempionu, 70-dən çox beynəlxalq turnirlərin qalibi, Qara kəmər 3-cü dan sahibi, sensey adına layiq görülüb.
10 oktyabr 2020-ci ildə Vətən müharibəsində iştirak etmək üçün, könüllü olaraq Qarabağ döyüşlərində Xüsusi Təyinatlı dəstədə iştirak edib. 27 oktyabr 2020-ci il tarixində Xocavənd royununda gedən döyüşlərdə qəhramancasına şəhid olub. Ölümündən sonra “Cəbrayıl rayonunun azadlığı uğrunda”, “İgidliyə görə”, “Vətən uğrunda” medalları ilə təltif edilib.
Sözügedən görüntüləri təqdim edirik:
.jpeg)
