"İcra başçıları həbs edilən rayonların hüquq-mühafizə orqanları da məsuliyyətə cəlb edilməlidir" — Siyavuş Novruzovdan SƏRT AÇIQLAMALAR

İcra başçıları həbs olunan rayonlarda hüquq-mühafizə orqanları da məsuliyyət daşıyır.
Bunu deputat Siyavuş Novruzov Milli Məclisin bu gün keçirilən iclasında deyib.

Onun sözlərinə görə, icra başçıları həbs olunan rayonlarda baş verənlərə görə həmin rayonun hüquq-mühafizə orqanlarının məsuliyyəti var. “Çünki onlar zamanında rayonlarda baş verən qanunsuzluqlara bağlı məlumatı yuxarı adiyyatı qurumlara və ölkə başçısına yazıb hesabat verməli idilər. Əgər vaxtında belə hesabatlar və məlumatlar ölkə başçısına daxil olsaydı, vəziyyət bu həddə çatmazdı. Ona görə də hesab edirəm ki, bu işdə həmin rayonların hüquq-mühafizə orqanlarının rəhbərləri məsuliyyət daşıyır. Odur ki, icra başçıları ilə yanaşı, həmin rayonlaırn hüquq-mühafizə orqanları məsuliyyətə cəlb olunaraq cəzalandırılmalıdır”- deputat bildirib.